Web Analytics Made Easy - StatCounter
التخطي إلى المحتوى
بعد طلب 900 ألف من أحمد عز.. زينة: بشتغل عشان اصرف على ولادي
زينة وأحمد عز

قالت الفنانة زينة، إنها تحمل على عاتقها تربية أولادها من الفنان أحمد عز، وتلتزم بكافة المسؤوليات تجاههم، موضحة: “بشتغل دلوقتي عشان أصرف على ولادي”.

وأضافت زينة، خلال حوارها في برنامج “الحكاية”، مع الإعلامي عمرو أديب، على شاشة “Mbc مصر”، أنها كانت تتحصل على أموال كثيرة منذ صغرها من التمثيل؛ ولكنها كانت تصرف على نفسها ولديها أموال كثيرة، لكن الوضع تغير الأن بعد مسؤولية الأطفال.

وأوضحت زينة،: “مكنش عليا أي مسؤوليات، وكان عندي هوس الشراء والسفر وعمل الشوبنج، لكن دلوقتي بنزل اشتغل عشان اصرف على ولادي”.

وأكدت زينة، أنها رفضت الكثير من الأعمال السنة الماضية بناء على رغبتها؛ ولكن العام الحالي ترغب في العمل من أجل تربية أطفالها، لافتة: “عاوزة أشتغل عشان عندي مسؤولية عشان يكون عندي فلوس، عشان عندي عيال ونفسي أعيش عيالي في مستوى كويس، معنديش مصدر دخل تاني غير الفن”.

وتابعت: “أنا بدفع فلوس المدرسة لأبنائي وبعدين أروح أرفع القضية عشان أطلع فاتورة ولازم كل سنة ارفع قضية نفقة، والمحامي بياخد الوصل بتاع الدفع بتاع المدرسة ويروح يرفع بيها قضية عشان طليقي يدفع الفلوس”.

وأردفت الفنانة،: “موضوع مرهق أوي، دلوقتي بقيت أعمل شوبنج للشغل بس، يعني أشتري هدوم الفيلم من فلوس الفيلم”.

وعلى صعيد أخر- أشارت الفنانة زينة، إلى أنها لم تستطيع النفاق لذلك توقفت عن الظهور في الإعلام، مضيفة: “الناس قالولي متقوليش الصراحة في البرامج، ولو مش بتحبي حد متقوليش عليه، قولي كل أصحابي حلوين وكل زملاتي حلوين”.

 

المصدر: الوطن